الابتسامة ...

الابتسامة شيء رااائع جدا قبل ان ترسمه على وجوه الاخرين ارسمه على وجهك

دع الابتسامة شعارك دائما فيها يتقبلك الاخرين ..

جميل حين تمر بشخصا ما ويبتسم لك ليس من الضروري أن يكن يعرفك (أبتسم في وجه أخيك صدقة)

فكم صدقة سوف تجمع ؟؟

الابتسامة تمنحك شعور رائع وأن كنت غضبان وتجلب الموده والمحبه بين الناس

اتكلمت عن الابتسامة وانها حاجه مره حلوه وانا من الناس اللي لمن اكون معصبه والاقي احد يبتسم في وجهي أحس انو نسيت كل حاجه منكده عليا فعلا شي مررره حلوه يخليك تتودد للناس وتستلطفهم بيه

مع انو في شي أنا لاحظتو كتير في ناس لمن تيجي تبتسم في وجههم قام رفعلك حواجبو والا قلب وجهو

طيب لي كدا الواحد مو خسران شي لمن يبتسم مجرد ابتسامة منك ممكن تصنع السعادة على وجوه الأخرين

ومن هنا راح ادخل في موضوع صراحه مره أثر فيني وحبيت اخليكم تعيشو وتحسو نفس اللي حسيتو

الموضوع عن العمالة أن كان سواق والا شغاله والا ....

انا لاحظت أنو بعض الناس مايتنازل يساعد الشغاله او السواق او اين كان .. وعفوا على كلمة شغاله وسواق ممكن في احد يكون زيي أنا ماأحب اطلق عليهم اسم شغاله أو سواق احس انها تنزل من قدرهم وقيمتهم

يعني لي كدا حرام ترا هما زينا بشر ولهم مشاعر ايش خسران الواحد مننا لمن يبتسم في وجههم وهو داخل وهو خارج ويحاول يساعدهم ومايرمي كل شي عليهم .. يعني زي مره افتكر انو كنا بنساعد شغالة سيدي يعني ماتتخيلو قد ايش كانت مبسوطة انا من كتر ماشفتها فرحانه وحاسه انو احنا بنعاملهم كاوحده زينا عيوني دمعت لي لانو حاسه انو بالذات هنا هدول الناس مظلومين ع الاغلب .. يعني واللهي حرام اللي بشوفو انا وانتو من معاملة الناس للناس دي

في اي مكان كلنا بنشوف بعيوننا مطعم سوق في الشارع اي مكان تلاقي واحد بيرفع صوتو عليهم بس يغلطو كأنو هوا ملاك منزل من السماء والا يعلي صوتو قدام الناس عشان شوفو أنا المسؤل عنو أو كفيلو او زي كدا

ارجع واقول هدول بشر زيهم زينا لافرق بيننا الاسود زي الابيض والغني زي الفقير كوووووووولنا غرفتنا وحده تحت التراب والا لمن اجي مثلا اضرب لكم مثل اعرف ناس الله يسامحهم يعاملو شغالاتهم كانهم مايحسو والا مني عارفه ايش بالزبط مثلا هيا تعبت وبتروح تنام لا قومي يعني قومي دحين وخلصيلي الشغله الفلانيه ياستي ماهيا زيك تعبت وتبغى ترتاح حني عليها وارحميها انشاءالله ربنا يرحمك بكرا بعملك الصالح لها

وعشان ماأطول عليكم ويكون الموضوع ممل أتمنى تكون الفكره اللي ابغى أوصلها لكل الناس وصلت وفهموها تمام واخر كلمة (الابتسامة هي سر السعادة المرسومه على وجوهنا فحافظو على هذا الكنز الثمين كلما استخدمته كسبت الاخرين به)